- 我的订阅
- 健康
我们正处于一个信息大暴发的时代，每天都能产生数以百万计的新闻资讯！
虽然有大数据推荐，但面对海量数据，通过我们的调研发现，在一个小时的时间里，您通常无法真正有效地获取您感兴趣的资讯！
头条新闻资讯订阅，旨在帮助您收集感兴趣的资讯内容，并且在第一时间通知到您。可以有效节约您获取资讯的时间，避免错过一些关键信息。
清清爽爽 春天味道
本文转自：新民晚报
◆ 沈一珠
春天里向，兜小菜场是桩让自家开心个事体，满眼侪是新新鲜鲜个春菜覅去讲伊，碰着法，还会有一点点人生哲学个意外收获。比方讲常去个迭只摊头，买了春笋、蚕豆之后，伊又提醒一句：吃草头要抓紧咯，再过两天要老咯，菜苋头也要开花了……所以，就多买了迭两样。阿姨是个朴素人，讲个倒是大道理，有种事体、有种物事过时勿候，要珍惜。
又去买了河虾半斤、家乡咸肉一条。春笋、蚕豆、咸肉、河虾可以烧只汤，就叫伊四鲜汤好了。烧起来也便当，春笋切滚刀块，水里焯一焯；咸肉蒸熟，切成小手指末头粗细个条；蚕豆剥成豆瓣；开油镬，葱姜煸香，咸肉煸出猪油，笋摆下去一道翻匀，加料酒、适量水一道大火滚七八分钟，蚕豆、河虾一道摆下去，大火滚两滚，合好咸淡就好吃了。因为有咸肉，越笃越咸，所以，摆盐要当心，过头一点，就吃勿出春笋、蚕豆自带个香甜之气了。
搿天个草头还是有点老了，要一根根拣，扚脱老茎，再炒；酒香草头，白酒要稍许好一点，可以帮草头加分；至于菜苋头，水里汆一汆，油、盐、糖、酱油一道拌一拌，一台子清清爽爽春天味道。
交关辰光，穿衣裳、烧小菜、做人，清清爽爽是一种比较难得个境界。前两天碰着一个网约车司机，就可以用清清爽爽来表扬。
一开门，弹眼落睛，车子里刹辣斯清勿算，手刹旁边还摆仔一瓶香熏花。司机对了手机末尾4个数，问清爽目的地，启动车子。一路攀谈，伊讲伊去年10月从湖北到上海，租了迭部半新个车子开网约车。开网约车辛苦，刚开个辰光勿适应，赔脱勿少钞票，现在稍微好点了。伊从前是厨师，学过川菜，开过三家地锅鸡店，特别好吃，生意也好。可惜后来勿大顺，最后付清十几万房租，关店了。伊讲伊还是要回去个，还是想开饭店，呒没办法，就是欢喜。
记得伊个样子，小平头，戴副黑框眼镜，穿件汏得有点发白个咖啡色衬衫，清清爽爽个样子。
以上内容为资讯信息快照，由td.fyun.cc爬虫进行采集并收录，本站未对信息做任何修改，信息内容不代表本站立场。
快照生成时间：2024-04-07 17:45:02
本站信息快照查询为非营利公共服务，如有侵权请联系我们进行删除。
信息原文地址：
