40岁TVB男艺人成功在日本买房，开心发文宣布荣升做业主：要努力挣钱

现年40岁的有「日本通」之称TVB旅游达人周奕玮（Jarvis）每日都主持节目《买大坂楼15识》，短短几分钟介绍日本大坂置业的情况，而周末亦有他跟黄翠如和C君（郑诗君）主持的旅游节目《Grand住去台北》，几乎日日都见到他在电视机出现。正所谓近水楼台先得月，日日介绍大坂置业，没理由不心动的，周奕玮日正式宣布首次荣升业主啦！

周奕玮在社交网分享一篇长文，主题是「分享一个重大决定」，原来他拍节目期间已经对日本投资置业感兴趣，最终原来已经低调签约，成功「上车」做业主。内容如下：

呢排一直系咁思考好多，

终于喺啱啱，

我吸咗啖气、

再的起心肝、

然后签咗个名。

系签买卖合约嘅名

各位，我做业主喇！

我喺大坂做业主喇！！

老实讲，

我都俾自己呢个举动吓咗一跳，

因为今次系我人生第一次买楼，

仲要唔算谂咗好耐，就落呢个决定。

不过有时就系咁，

天时地利人和要来就来。

再加上......今时啲Yen真系好平，

而家买真系抵好多。

(所以应该叫「金时地利人和」、

或者「打铁趁热」。)

至于地利，

本身谂过几个区，

心斋桥南船场嗰边嘅文青区都系我心水，

但始终第一次买楼，Budget有限

最后我拣咗交通同生活方便嘅大坂西区一带、大正駅附近。

嚟呢度嘅第一日，

就遇上个好靓嘅日落、

第二次去嗰阵仲睇埋河边嘅满开樱花、

河边又有好Chill 嘅餐厅、

的确系自己想要嘅环境。

话晒系一个ISFJ，

作为I 人，唔使做嘢嗰阵，

其实我真系好需要收埋自己，搵空间独处。

最后选择呢区嗰阵，我想像到，

喺呢个小社区舒舒服服散吓步，

静静地坐喺河边听歌、发呆嘅自己、

系啱我嘅。

而人和方面，

多谢今次 #买大坂楼15识 呢个节目。

FMI @fminvestment_hk 嘅Amous、Nicky，

重启咗我埋藏咗好耐，对买日本楼嘅谂法。

以前有谂过，如果第时有钱喺日本买楼，我肯定拣咗东京先，因为话晒东京系我生活过嘅城市，系有种私心嘅。

但Amous 教识我买大坂楼最大优势系投资做民宿，呢样嘢系我从来无谂过嘅，令我多咗个投资嘅眼光睇本身熟悉嘅日本。

以前我只系会用工作／旅行嘅角度睇呢个地方，

对金钱嘅谂法亦比较保守，

凈系会谂住做住同一件事，努力做嘢储钱。

但今次，算系跳出呢个固有谂法，

做演艺工作嘅同时，

都学吓搵啲被动收入。

话时话，无谂过连投资置业呢方面，

自己嘅选择都系同日本有关

仲要多谢 Akina方健仪 @akinafong

本身真系谂住第时飞大坂，

就租佢间民宿住吓㗎咋〜

点知讲讲吓，

竟然变成买间俾自己去住。

呢段时间问咗Akina好多意见同经验心得，

系咁烦住你唔好意思

嚟紧可能再烦你多啲，

因为我地做邻居喇〜

不过老实讲，

为咗做业主，

今次真系将储咗好耐嘅身家拎出嚟

但系大个仔喇，

系时候俾自己试上一层楼

(真系字面嘅意思)

同埋都要谂吓搵啲被动收入嘅〜

所以嚟紧我会提自己悭啲钱、

再努力工作赚钱

出年收楼嗰阵，

就可以飞去住吓自己间屋喇

Wow~~

迟啲有机会再同大家分享多啲啦~

周奕玮接受媒体电话访问，他表示：「其实我去拍摄那会，住在那时都已经好心动，再加上现在円真是便宜，所以决定买房。那个房子300尺，楼价是港币七位数字头，我就给了六位数字首期，明年秋天收楼。

之后预计都会放租出来做民宿，租金已经可以帮我供楼，所以其实都是一个可以负担到的数字，好在平时自己个人好节省，所以都做了10几年工作，储到一些积蓄，今次可以出击。给完首期之后，一大半积蓄已经用了，所以要继续努力工作。」他表示今次投资都有计算好自己承担范围，加上性格保守，不是倾家荡产不过都动上大部分积蓄。